ښاغلي نقیب الله احمدي په لومړي سر کې افغان تجارانو ته ښه راغلاست ووایه او خوښي یې څرګنده کړه چې د سفارت بلنه یې په خوښۍ ومنله.
ښاغلي احمدي د اسلام په رڼا کې د تجارت په اهمیت او اصولو رڼا واچوله او له تجارانو یې وغوښتل چې ټول اسلامي اصول په نظر کې ونیسي تر څو د حلال کاروبار ترڅنګ با برکته ګټه ترلاسه کړي.
ښاغلي احمدي زیاته کړه چې ا.ا.ا په پراخه کچه د سوداګرو ملاتړ کوي او کوښښ کوي چې ورځ تر بلې مالیه، انتقالات او ترانسپورتي چارې د سوداګرو پر وړاندې آسانه کړي، تجارنو سره هم ښایي د هیواد د پرمختګ لپاره کار وکړي او له اسلامي نظام ملاتړ او همکاري یې وکړي.
په مالیزیا کې د افغان سوداګرو ټولنې رئیس حاجي نور احمد د ا.ا.ا لوی سفارت له بلنې مننه او خوښي څرګنده کړه او له راغلیو تجارانو څخه یې وغوښتل چې افغانستان ته د اموالو صادرولو پرمهال کیفیت په نظر کې ونیسي او له اوسني حکومت څخه ملاتړ وکړي. همداراز، نوموړي مالیزیا کې د افغان سوداګرو د ویزو اخیستو پروسه کې د مشکلاتو یادونه وکړه چې د ا.ا.ا لوی سفارت له لوري ورته د حل ډاډ ورکړل شو.
ناسته د ماښامنۍ وروسته پای ته ورسېده.
